آسـفة لكل دموع نزلتلك آسفة إن كنت فى يـــوم حنيتلك كنت فى يوم للقلب حبيب يــاما بكـل الشــــوق غـنيتـلك يـاما سهرت ويـاما بـكـيت صنت لحبـــك أجمــل بيـــت ياما عيون فى الحب نادتنى وأنا لعيونك بـــس نـاديــت آســفة لحــبى بكل كيانـى آسفــة إن انا خبيــت أحزانى خفت دموعى تشوفها عيونك ينـــزل دمعــك يوم علشانى حبك كــــان لحيـاتى الــجنة وانا ولا مــرة معـــاك بتهنى لكن كنت بشـــوفك فيــا حــب عشــانه كتير بستنى لُومْنى كمان على حب جنونى اجرح واخلِف كل ظنونى يمكن روحى تفـــارق حبـك يمكن صورتــك تنســى عيونى عمر القلب ما تـــاه فى كلام على دقـــــاتك كــــــان بينام عمره مـــا جـرّح قلب آمنله وانـــت قتلـــت الحــب أوام آسـفة بقولـها فى آخـر يـوم قلبـى فى حبــك كــان مظلوم وده كــــان ذنبه وذنب عيونه وانا حلـفـته علـيك مايــلوم لكن أغـــرب حاجـــة حقولها لـما كرامتى الجرح يطـــولها واما بلاقـى الدنيا تلومك ((قلبى مسامحه)) لسانى يقولها |
الجمعة، 21 نوفمبر 2008
أسفة..خاص جداً
الاشتراك في:
تعليقات الرسالة (Atom)
هناك 3 تعليقات:
ماأجمل كلماتك وما أحلى مشاعرك وماأعذب همساتك حبيبتى
اسفه
انى تركتك تجرحنى
اسفه
انى بكيت من قلبك
اسفه
اسفه على سهرى ولوعتى
اسفه
بس
مسمحاك
حزينه
جميلة القصيدة اوى بجد
aya shams
إرسال تعليق