ممكن أصدق ان الشمس فى قلبى تغيب
ممكن أخلى الحزن خلاص يبقالى حبيب
صعب أصدق ان عيونك كانت كدبة
نظرة..وهمسة..وكلمة تخلى الجرح يطيب
***
جايز ان النور كان خادع فيا نهار
جايز ان الجنة دى كانت أصعب نار
بس ازاى العين دى بتقدر تخدع قلبى
ازاى كانت لحن بدون أغلى الأوتار
***
غاب الصدق فى أجمل لحن بيتغنالى
ضاع الحق وضعت انا لما الوهم نادالى
انا فكرت ان انت ملاك طاير فى هوايا
بس ده كان وهمى اللى زمان عشت بيحلالى
وعجبى..!!
ليست هناك تعليقات:
إرسال تعليق